點解網站冇寫價錢？
本網站唔列出任何物業價錢。官方價單可以喺一手住宅物業銷售資訊網查閱；想要最新價單同單位資料，可以 WhatsApp 或微信搵我哋。
買呢度係咪真係只需$100印花稅？
由2025年2月26日起，樓價400萬或以下嘅住宅物業，從價印花稅只需$100。不過唔係全部單位都喺400萬以內，樓價超過400萬就會按稅階計，可以用「收租計數」頁自己計。另外，2024年2月28日起已撤銷買家印花稅、額外印花稅同新住宅印花稅，唔再分首置、非首置或公司名義。
收租點解揀新樓，唔揀舊樓？
而家市面上好多舊樓已經有40至50年樓齡。一般銀行會用「75減樓齡」計最長按揭年期，例如50年樓最多只可以做約25年。新樓就可以按正常條件申請30年按揭。仲有，你收十年租，The Boundary 都只係十年樓；舊樓就會變成50至60年樓，到時賣出，下手買家做按揭會更難。
現樓有咩好處？
可以即睇實樓、望清楚景觀同裝修，成交後就可以即刻放租，唔使等樓花期。
有咩間隔？幾大？
全幢58伙，開放式38伙、1房（開廚）20伙，實用面積187至261呎。3樓、25樓同26樓有連平台或天台嘅特色戶。
交通方便嗎？
步行約9分鐘到港鐵深水埗站，約13分鐘到南昌站。由南昌站1個站到柯士甸站接駁高鐵香港西九龍站，3個站直達香港站。
有冇會所？
2樓設住客會所，面積655呎；另有912呎有蓋及園景遊樂地方，當中573呎係露天。
管理公司係邊間？管理費按金點計？
根據公契擬稿，管理人為萊坊有限公司，首任任期2年。管理費按金相當於3個月管理費，不可退還，但可以轉讓。
舊樓維修開支會唔會好大？
屋宇署嘅強制驗樓計劃涵蓋樓齡30年或以上嘅私人樓宇，業主要定期驗樓同維修，大維修通常要業主夾錢。新樓喺呢方面嘅開支一般較少。
26樓有咩特別？
26樓係頂層特色戶，層與層之間高度達4米，A單位連227呎天台、B單位連139呎天台。
屬於邊個校網？
小學32校網，中學油尖旺校網。
想睇現樓單位？
WhatsApp 或者微信搵我哋，可以安排睇樓同提供最新資料。